كريم فهمي يكشف موقفه من السوشيال ميديا

كشف الفنان كريم فهمي خلال لقائه مع الإعلامية أميرة بدر في برنامج “أسرار” الذي تقدّمه على شاشة “النهار” عن موقفه من السوشيال ميديا، مؤكدًا أنه لا يحبها كثيرًا، وأنها أحيانًا تمنح “الرخيص قيمة”، قائلًا: “هاجمتها لما كنت بكتب على فيسبوك، وقلت إنها عملت للرخيص قيمة”.
وأضاف: “السوشيال ميديا سلاح ذو حدين، وممكن تكون مؤذية أحيانًا، وأنا بصراحة مابفهمش الصراع اللي بيحصل فيها”.
وأوضح فهمي أنه تعلم من التجربة أنه ليس كل الآراء يجب نشرها، قائلًا: “الحقيقة مش كل حاجة ينفع تتكتب، دي من الحاجات اللي اتعلمناها في السوشيال ميديا، إحنا جيل السوشيال ميديا اتولدت على إيدينا، ما كانتش موجودة وبقت موجودة، فالجيل الأصغر لو قلت له ما كانش في سوشيال ميديا زمان هيستغرب، فإحنا اتعلمنا معاها إن مش كل آرائك ينفع تقولها”.
وأشار الى أن فكرة “اللجان” على السوشيال ميديا تزعجه جدًا، ولفت الانتباه الى أن البعض قد يحوّل قضية صغيرة الى مشكلة كبيرة، رغم وجود إنجازات جيدة كثيرة، قائلًا: “كنت من أوائل الناس اللي اتكلمت عن موضوع اللجان، كنت بتهاجم منها، الفكرة إن ممكن حد يسلط لجنة على تفصيلة صغيرة عندك وسط حاجات حلوة كتير، فتتحول لقضية كبيرة”.