علق الفنان حسام حبيب، على المقدمة الساخرة التي بدأ بها الفنان رامز جلال حلقته من برنامج “رامز إيلون مصر”، والتي لاقت تفاعلًا واسعًا من الجمهور ما بين مؤيد ومعارض عليها.
وقال حسام في تصريحات صحافية: “رامز جلال أكيد بيهزر لأنه عارف إن كل ده مش حقيقي ولو حقيقي مكنتش ههزر فيه، وأنا لو الكلام اللي بيتقال من زمان في حاجة واحدة صح كنت زعلت أو علقت أو اتهزيت، لكن من زمان بيتقال عليَّ الكلام ده من سنين وعمري ما اتهزيت ولا هتأثر لأني بأدافع عن نفسي وأوصل للمستوى ده”.
وتابع: “اللي يخاف اللي ادعى وكذب وافترى ورضي الظلم لأقرب الناس ليه واللي فضله على نفسه وعلى كل حاجة، اللي يخاف اللي اشترى تعاطف البشر بغضب ربنا المطلع وتجاهل عدله واستهون بالمنتقم الجبار عالم ما في القلوب والصدور، ونسى إن ربنا سبحانه وتعالى قال وعزتي وجلالي لأنصرنك ولو بعد حين، وقال (واصبر لحكم ربك فإنك بأعيننا) وأنا مصدق وعد ربى، وإن كان في الدنيا أو الآخرة أنا راضي بحكمته أن أخاف على اللي ضل الناس وورطهم في الظلم وتشويه إنسان وسمعته وأخد مفتاح جنته وجنة كل حد اتورط معاه في ظلمه”.
وأوضح حبيب: “من أيد الرحمن الرحيم المنتقم الجبار العدل الباقي والخالق وحطه في أيد بشر بيموت وبيجوع وبيأكل علشان يعيش ومحدش عارف هو أمتى مش هيكون موجود في الدنيا علشان يسامحه ونتقابل كلنا قدام رب الناس وساعتها هيبقى فات الأوان، هما دول اللي المفروض يخافوا ويقلقوا من إنهم تجاهلوا العدل المنتقم ومخافوش منه ونسيوا إن رب الناس قال: (يا أيها الذين آمنوا إن جاءكم فاسق بنبأ فتبينوا أن تصيبوا قومًا بجهالة فتصبحوا على ما فعلتم نادمين)، وقال: (أيحب أحدكم أن يأكل لحم أخيه ميتًا)”.
واختتم حسام حبيب: “أنا خايف وزعلان عليهم مش منهم أما أنا فمطمن واستودعت سيرتي عند رب الناس الحكم العدل وراضي بحكمه أيًا كان”.
