علّق الفنان السوري عبد الرحمن فواز، المعروف بـ “الشامي”، على ما اثير مؤخرا حول توجهه لاعتزال الغناء، بعد تصريحه خلال لقاء مع بودكاست “مع نايلة” على جريدة “النهار”، اذ قال انه يرغب في الابتعاد قليلاً وأخذ استراحةٍ فنية.
وتفاجأ الشامي من تعليقات عدد من المتابعين لاعتقادهم أنه قرر إنهاء مسيرته الفنية واعتزالها، ليرد عبر “الستوري” في “إنستغرام”، قائلا: “اعتزال؟ اطمنوا قاعدلكن ومطول”.
وتابع في “ستوري” آخر: “كيف إلكن عين تحكوا باعتزالي، وأنا كل أغانيي متصدرين قوائم الوطن العربي من شهور، لعنكم الله، حقودين بتخافوا من الناجح ابن 22 سنة”.
واضاف الشامي: “بحاكي جمهور بشفافية أزعر؟ علاقتنا مستفزتكن، موافق وحياة عيونك يا أمي لأشغل العالم باسمي بالأشهر الجاية لنشوف مين رح ينتصر بنهاية المشوار.. وهي أعطيتنكن مادة تحكو فيها ليظل شاغلكن اسمي ليل نهار وعم تحكو فيه”.
ولم يكتف الشامي بهذا الرد، بل تابع: “يا للسخافة والفراغ، بودكاست طويل عريض بحكي جوانب نفسية وفلسفية وحياتية وتجارب، كل يلي أخدتوا اعتزال؟ في فرق بين الاعتزال والانعزال.. بالبودكاست الجاي بعلمكن درس لغة عربية كمان تكرموا”.
وختم كلامه بالقول: “بما انوا هيك الحكي، رح نزل كمان أغنية وجيب كمان 100 مليون، بس ناطر أغنية وين تصير 100 مليون بشهر. تكرموا”.
