شاركت الممثلة اللبنانية كارمن لبّس جمهورها بلحظات مؤثرة من حياتها، حيث نشرت عبر حساباتها على مواقع التواصل الاجتماعي فيديو مليئًا بالحنين والحب، عبّرت فيه عن شوقها الكبير للفنان الراحل زياد الرحباني، الذي جمعتهما علاقة حب استمرت لسنوات.
وفي الفيديو الذي نال تفاعلاً واسعًا، عرضت لبّس صورًا ورسائل مكتوبة بخط اليد تُكشف للمرة الأولى، موثّقة لحظات وذكريات عاشتها مع الرحباني. ورافقت المقطع بعبارة: “كل الجمل عم تنتهي فيك…”
وخلال المقطع، روت كارمن بتأثر: “بتعرف بس تعيش وهم إنك سكّرت صفحة حبّك الأول، لتكتشف فجأة إنها بعدها مفتوحة بجروحاتها؟ سنين عم قول تخطّيت، بس كل الوقت عم إسأل ليه؟ آخر ليه كانت: ليه ما بدك تشوفني؟…”
وأضافت: “اشتقتلك… وعرفت إنك اشتقتلي بس ما قلتلي. قالولي بقيت تسأل عني، بس يا ريت سمعتا منك. قلتلك بغيابك فضي البلد… بس يوم رحت، حسّيت أنا فضيت، حسّيت كل شي بقي معلّق”.
واختتمت رسالتها بكلمات تختصر مشاعر الحنين والفقد: “أسئلة بلا جواب، وذكريات ما بتتمسح… كنت إهرب من سيرتك مش لأن ما بدي ياها، بس لأن بخاف حسّ إنها أحلى سيرة. كل شارع، كل زاوية، كل مطرح… بذكّرني فيك. حبّيتك، وبعدني، وبعدا كل الجمل عم تنتهي فيك”.
